MEET

Markmið MEET verkefnisins er að gera jarðvarmaorku aðgengilegri heiminum með því að minnka upphafskostnað svokallaðra EGS (e. Enhanced Geothermal System) brunna. EGS virkjanir eru skapaðar þar sem hiti er í jörðu en lítið sem ekkert af gegndræpi og vökvamettun. Vatni er dælt niður í jörðina þar sem það hitnar svo hægt sé að framleiða með því rafmagn þegar því hefur verið dælt aftur uppá yfirborðið. Tæknileg framþróun á þessu sviði gerir því heiminum kleift að beisla þá miklu ónýttu jarðvarmaorku sem fyrirfinnst víða.

Helstu verk

·       Breyting á olíubrunnum í jarðvarmavirkjanir til þess að komast hjá því að bora niður í heita jörð, sem minnkar upphafskostnað virkjananna

·       Auka orkunýtingu á lághitavirkjunum (60-90°C) með því að nota tvívökvakerfi (e. Organic Rankine Cycle)

Til þess að auka markaðsvægi jarðavarmaorku í Evrópu verður helsta markmið MEET að sýna fram á hagkvæmni EGS virkjanna í rafmagns- og hitaframleiðslu þegar að öllum helstu jarðfræðilegum umhverfum (crystalline, sedimentary, metamorphic, volcanic) kemur. MEET mun einnig vinna að því að kortleggja efnilegustu svæðin þar sem EGS virkjanir gætu verið reistar í nálægri framtíð.